Yaraqlılar İraqın ən iri neft zavodu olan şəhəri tutub

“İraq və Levante İslam Dövləti” adlı silahlı qruplaşma ölkənin Tikrit şəhəri üzərində nəzarəti əl keçirib.

Lent.az-ın “İnterfaks”-a istinadən məlumatına görə, yerli polis jurnalistlərə bildirib ki, Tikrit yaraqlıların əlindədir.

Məlumata əsasən, onlar həbsxanadan 300-ə yaxın tərəfdarlarını azad ediblər.

Xatırladaq ki, son iki gündə yaraqlılar İraqın Neynəva əyalətinin böyük hissəsini, o cümlədən Mosulu ələ keçirib. Bəzi xəbərlərə əsasən, onlar Səlahəddin əyalətinin Bəyci şəhərini də tutublar. Ölkənin ən iri neft-emalı zavodu bu şəhərdə yerləşir. Bundan başqa Fəlluca, Ramadi şəhərləri bir neçə aydır onların əlindədir.

Məlumatlara əsasən, Suriyanın şərq hissəsinə də onlar nəzarət edir.