Vəhşi qabanlar 77 yaşlı kişini parçaladı

Siciliyada vəhşi qabanlar itlərini qorumağa çalışan 77 yaşlı kişini parçalayıb. Lent.az-ın “Röyters”ə istinadən verdiyi xəbərə görə, Çefalu şəhər sakini Salvatore Rinaudo adlı şəxs itləri ilə şəhər kənarında gəzintidə olarkən vəhşi qabanların hücumuna məruz qalıb. Qabanlar həmçinin onun həyat yoldaşını yaralayıblar.

Şəhər rəhbərliyi bölgədə qabanların sayının artması səbəbindən faciədən əvvəl əhaliyə müraciətində gəzintiyə çıxarkən ehtiyatlı olmağı tövsiyə edib.