ABŞ-da məhkəmə “Əl Qaidə” beynəlxalq terror təşkilatının rəhbərlərindən biri olmuş Üsamə bin Ladenin yeznəsi Süleyman əbu Qeyti ömürlük həbs cəzasına məhkum edib. Lent.az-ın APA-ya istinadən verdiyi xəbərə görə, bu barədə “Röyters” agentliyinə məhkəmədəki mənbə bildirib.
Süleyman əbu Qeyt 2001-ci ilin sentyabrın 11-də törədilmiş terror aktlarına haqq qazandırmaqda və terrorçuların yeni hücumlar törədəcəkləri barədə bəyanatlar verməkdə ittiham olunub.
Əbu Qeyt 2013-cü ilin fevralında Türkiyə və ABŞ xüsusi xidmət orqanlarının birgə əməliyyatı nəticəsində Ankarada otellərin birində saxlanılıb. Lakin sonradan Türkiyə tərəfi Əbu Qeytin ölkə ərazisində cinayət törətmədiyini əsas gətirərək, onu ABŞ-a təhvil verməkdən imtina edib və azadlığa buraxıb.
Mərkəzi Kəşfiyyat İdarəsinin əməkdaşları Əbu Qeyti həmin ilin martında İordaniyada saxlayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
