Ukrayna ordusu Luqanskın bir hissəsinin rusiyayönlü terrorçulardan azad edib - YENİLƏNİB

Ukrayna müdafiə naziri, general-polkovnik Valeri Geletey ölkə prezidenti Pyotr Poroşenkoya Luqansk şəhərinin cənub-şərq hissəsinin ordunun nəzarətinə keçdiyini məruzə edib.

Lent.az-ın “UNN”ə istinadən verdiyi xəbərə görə, bu barədə Ukrayna prezidentinin mətbuat xidməti bildirib.

Məlumatda, həmçinin, Luqansk hava limanının da azad edildiyi qeyd olunub.

Mənbə bildirib ki, Ukrayna Silahlı Qüvvələri ölkənin yaşayış məntəqələrinin terrorçulardan azad olunması istiqamətində əməliyyatları davam etdirir.

***

01.09

Ukrayna ordusu rusiyayönlü terrorçular tərəfindən ələ keçirilən Luqanska daxil olub. Lent.az-ın “Gazeta.ru”-ya istinadən məlumatına görə,bu haqda “LB.ua” xəbər yayıb.

Məlumata əsasən, terrorçuların liderlərindən biri Aleksey Sokol həlak olub.