Ukrayna 14 rusiyalı artist “persona non-qrata” elan etdi

Ukrayna 14 rusiyalı artisti “qara siyahı”ya daxil edib. Lent.az-ın APA-ya istinadən verdiyi xəbərə görə, onlar Ukrayna əleyhinə mövqe nümayiş etdirdiyinə görə “persona non-qrata” elan ediliblər.

Ukraynanın mədəniyyət naziri Evgeniy Nişuk siyahının beynəlxalq normalara uyğun olaraq açıqlanmayacağını bildirib. Onun sözlərinə görə, siyahıya daxil edilən şəxslər statusları barədə sərhədi keçməyə cəhd etdikdə məlumatlandırılacaqlar.

“BBC”-nin məlumatına görə, “qara siyahı”ya, həmçinin, müğənni İosif Kobzon, aktyor İvan Oxlobıstin və satirik Mixail Zadornov daxil edilib.