Türkiyədən Rusiyaya Suriyaya dair təklif

Türkiyənin Müdafiə Nazirliyi rusiyalı həmkarlarına Rusiya ordusunun Suriyada keçirdiyi əməliyyatla bağlı yaranacaq insidentlərin qarşısını almaq üçün işçi qrup yaratmağı təklif edib.

APA-nın “RİA Novosti”yə istinadən verdiyi xəbərə görə, bu barədə Rusiya Müdafiə Nazirliyinin nümayəndəsi İqor Konaşenkov bildirib. Onun sözlərinə görə, Rusiyanın Türkiyədəki hərbi attaşesi izahat verilməsi üçün Müdafiə Nazirliyinə çağırılıb.

Qeyd edək ki, türk hərbçilər bundan əvvəl Türkiyə-Suriya sərhədi yaxınlığında MiQ-29 qırıcı təyyarə aşkarlayıblar.