Türkiyədə zəlzələ: 1 ölü, 226 yaralı - YENİLƏNİB 1

Bu gün Türkiyənin qərbində daha iki dəfə zəlzələ baş verib. Lent.az-ın "habertürk"ə istinadən verdiyi məlumata görə, Eget dənizində baş verən 4,2 və 4,6 ballıq zəlzələlər ciddi dağıntılara səbəb olmayıb. Hazırda bölgədə xırda titrəyişlər davam edir. Əhaliyə baş verə biləcək daha güclü zəlzələ ilə bağlı ehtiyatlı olmaq tövsiyə olunub.

``````

18:23

Bu gün Türkiyədə baş verən zəlzələ 226 nəfərin yaralanmasına, 1 nəfərin isə həyəcandan ürək tutması nəticəsində həyatını itirməsinə səbəb olub.

APA-nın Türkiyənin “Vatan” qəzetinə istinadən verdiyi məlumata görə, Çanaqqalanın Gökçeada rayonunda bir neçə evdə çat yaranıb, damlar çöküb.

Ən çox yaralı Çanaqqalada olub, burada 86 yaralı xəstəxanaya yerləşdirilib. 5 nəfər zəlzələ zamanı özlərini binalardan atması nəticəsində xəsarət alıb.

Həyəcandan ürək tutması nəticəsində ölüm faktı isə Tekirdağdada qeydə alınıb. Tekirdağda bir məscidin minarəsi dağılıb.

***

Bu gün saat 14:26 radələrində Türkiyədə 6,5 bal gücündə zəlzələ baş verib.

APA-nın “Hürriyet” qəzetinə istinadən verdiyi məlumata görə, zəlzələnin episentri Çanaqqalanın Gökçeada rayonunun qərbində, Egey dənizində olub.

Daha sonra 5,3 bal olmaqla, gücü 3 baldan böyük 13 ardıcıl yeraltı təkan qeydə alınıb.

Zəlzələ Boludan Ədirnəyə, İstanbuldan İzmirə, Çanaqqaladan Eskişəhərə qədər geniş bir ərazidə hiss edilib. Ədinə və Çanaqqalada bəzi yaşayış məntəqələrində binalarda çatlar yaranıb.

Zəlzələdən sonra bu ərazidəki yaşayış məntəqələrindəki insanlar küçələrə axışıb. Sarıköydə özünü binadan yerə atmış 5 nəfər yaralanıb. Gökçeada da yaralananlar var.

İstanbul valisi Hüseyin Avni Mutlu İstanbulda yaşayış binalarına hər hansı ziyanın dəymədiyini açıqlayıb.