Türkiyə qırıcıları Şimali İraqdakı PKK düşərgələrini bombaladı

Türkiyə Silahlı Qüvvələri Baş Qərargahı Şimali İraqdakı PKK sığınacaqlarının vurulduğunu açıqlayıb.

Lent.az-ın Türkiyə mətbuatına istinadən məlumatına görə, Şimali İraqda olan PKK terrorçularının düşərgələrinə hava hücumu təşkil edildiyi açıqlanıb: “Hakkari ilə İraqın şimalı Metina, Zap, Avaşin- Basyan, Hakurk, Gara və Şam bölgələrində terror təşkilatının üzvü olan terroristlərə məxsus sığınacaq, torpaq altı sığınacaq və silahlı mövqeləri hava qüvvələrinin təşkil etdiyi hücumla məhv edilib”.