Türkiyə daha iki şəhid verdi
02 sentyabr 2015 02:57 (UTC +04:00)

Türkiyə daha iki şəhid verdi

Türkiyənin Suriya ilə həmsərhəd Kilis əyalətində terrorçular türkiyəli hərbçini qətlə yetirib. APA-nın “Haber Türk”ə istinadən verdiyi xəbərə görə, terrorçular Suriya ərazisindən hərbçiləri atəşə tutub.

 

Məlumata görə, hərbçilər sərhəd zolağını patrul edərkən qanunsuz Türkiyə ərazisinə keçməyə cəhd edən bir qrup şəxsi aşkarlayıblar. Silahlı şəxslər hərbçiləri atəşə tutub. Əyalət valisi Suleyman Tapsızın sözlərinə görə, hərbçilərdən biri hadisə yerində həlak olub, daha biri isə itkin düşüb: “Atışma baş verdiyi ərazi Suriya tərəfində İŞİD terror qruplaşmasının nəzarəti altındadır”, deyə Suleyman Tapsız bildirib.

 

Bundan başqa, Batman əyalətində PKK terrorçuları xidməti avtomobildə hərəkət edən hərbçiləri avtomat silahdan atəşə tutublar. 20 dəqiqə davam etmiş atışma zamanı terrorçulardan biri öldürülüb, daha biri ələ saxlanılıb. Daha bir terrorçu ərazidən uzaqlaşa bilib, onun axtarışları davam edir. Hücum zamanı yerli polis komissarının müavini həlak olub, daha bir asayiş keşikçisi yaralanaraq xəstəxanaya yerləşdirilib.  

# 231
avatar

Oxşar yazılar