Turçinov: “Şərqi terrorçulardan təmizləməyə hazırıq”

Mayın 21-də Ukrayna ali radasının sədri, ölkənin müvəqqəti prezidenti Aleksandr Turçinov Donetsk vilayətinin Slavyansk rayonundakı anti-terror əməliyyatla bağlı mövqeləri yoxlayıb.

Lent.az-ın “Unian.net”-ə istinadən məlumatına görə, o, Slavyanskdakı yeni hərbi düşərgədə olub.

“Hərbçilərimizin maddi- texniki bazası günü-güdən yaxşılaşır” -deyə, o, vurğulayıb.

Turçinov yaxın günlərdə Donetsk və Luqansk vilayətlərində anti-terror əməliyyatların final mərhələsinə çatdırmağa hazırlaşdıqlarını bildirib: “Donetsk və Luqansk vilayətlərini terrorçulardan təmizləməyə və seçkinin keçirilməsini təmin etməyə hazırıq”.

Xatırladaq ki, mayın 25-də Ukraynada prezident seçkisi keçiriləcək.