Tunisin mərkəzi seçki komissiyası ölkənin yeni seçilmiş prezidentinin adını açıqlayıb. Lent.az-ın “Anadolu” agentliyinə istinadən verdiyi xəbərə görə, seçkinin ikinci turunda səslərin 55,68 faizini qazanan “Nida Tunis” partiyasının lideri Sibsi ölkənin yeni prezidenti seçilib.
Sibsinin rəqibi ölkəyə müvəqqəti rəhbərlik etmiş Məhəmməd əl-Munsıf əl-Mərzuki isə səslərin 44,32 faizini qazanıb.
Qeyd edək ki, 23 noyabrda Tunisdə keçirilmiş seçkilərin birinci turunda Sibsi 39,4, Mərzuki 33,4 faiz səs toplayıb.