Tuncay Özkan azadlığa buraxıldı
10 mart 2014 17:45 (UTC +04:00)

Tuncay Özkan azadlığa buraxıldı

Türkiyənin tanınmış jurnalisti, “Ergenekon” cinayət işi çərçivəsində xüsusi səlahiyyətli məhkəmə tərəfindən ömürlük azadlıqdan məhrum edilmiş Tuncay Özkan azadlığa buraxılıb.


 

APA-nın xəbərinə görə, İstanbul 21-ci Ağır Cəza Məhkəməsinin qərarı ilə T.Özkan 1 994 gündən sonra azadlığa çıxıb. O, 2008-ci ilin sentyabrında həbs edilmişdi.
T.Özkanla birlikdə Türkiyə Silahlı Qüvvələrinin istefada olan polkovniki Ləvənt Göktaş və Türkiyədə mafioz kimi tanınan tanınmış iş adamı Sədat Peker də azad edilib.
Qeyd edək ki, Türkiyə Böyük Millət Məclisi xüsusi səlahiyyətli məhkəmələri ləğv edib. Cinayət Məcəlləsinə dəyişiklik edilərək məhkəmə hökmü olmadan bir şəxsin ən uzağı 5 il həbsdə qala biləcəyi qərarlaşdırılıb. Əvvəl bu müddət 10 il olub. Məhkəmə T.Özkan və digər şəxslərin məhkəmə hökmü olmadan 5 ildən çox həbsdə saxlanılmalarını və kasasiya prosedurasının davam etdiyini, məhkəmə hökmünün hələ qüvvəyə minmədiyini nəzərə alaraq onları sərbəst buraxıb.
Onu da əlavə edək ki, hazırda Türkiyə hökuməti xüsusi səlahiyyətli məhkəmələrin çıxardığı qərarları qanunsuz sayır. Hökumət bu məhkəmələrin nurçuların nəzarətində olduğunu və verilən qərarların ədalətsiz olduğunu bildirir.
 

 

# 516
avatar

Oxşar yazılar