Suriyadakı terrorçuların liderləri hərbçilərə atəşkəs təklif edir

Suriyadakı terror qruplaşmalarının liderlərinin bir hissəsi hökumət qüvvələrinə müraciət edərək, atəşkəs barədə təkliflər irəli sürürlər. APA-nın “Gazeta.ru”ya istinadən verdiyi xəbərə görə, bunu Rusiya Silahlı Qüvvələri Baş Qərargahının Əməliyyat İdarəsinin rəisi general-polkovnik Andrey Kartapolov deyib.

“Ayrı-ayrı komandirlər Suriya ordusunun mövqeləri ilə əlaqə yaradaraq danışıqlar aparmaq və lokal atəşkəs barədə təkliflər irəli sürürlər”, deyə Kartapolov qeyd edib.