Misirdə məktəbin yaxınlığında baş vermiş atışmada 16 şagird yaralanıb. APA-nın “TASS”a istinadən verdiyi xəbərə görə, “Al Ahram” nəşrinin məlumatına əsasən, insident Buheyrə əyalətinin inzibati mərkəzi Damanhur şəhərində baş verib.
Məlumata görə, mikroavtobusda hərəkət edən naməlum silahlı şəxslər məktəbin qarşısından keçərkən şagirdlərə atəş açıblar.
Hadisə ilə bağlı araşdırmalara başlanılıb. İlkin məlumata görə, kriminal xarakterli insidentə səbəb şagirdlər arasında yaranmış mübahisə olub.
Faktla əlaqədar artıq bir neçə şəxsin saxlanıldığı bildirilir. İnsidentin təfərrüatları açıqlanmır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
