Rusiyayönlü terrorçular tank aldıqlarını etiraf edib

Ukraynanın Donetsk vilayətindəki rusiyayönlü terrorçular 3 tank aldıqlarını etiraf edib.

Lent.az-ın “RİA Novosti”-yə istinadən məlumatına görə, terrorçuların qərargahının təmsilçisi bildirib: “Tankları aldığımızı təsdiqləyirik. Onları ən çətin istiqamətlərə göndərəcəyik”.

Mənbənin məlumatına əsasən, terrorçular həmin tanklardan iyunun 12-də Donetsk vilayətinin Saur-Mojila rayonunda Ukrayna ordusuna qarşı döyüşlərdə istifadə edib.

Rusiyayönlü yaraqlılar tankları aldığı ölkənin adını açıqlamasa da, Ukraynanın daxili işlər naziri Arsen Avakov Rusiya ərazisindən Ukraynaya hərbi texnika karvanı, o cümlədən tank keçdiyi haqda məlumat yayıb.