İyulun 21-dən etibarən Moldovadan meyvənin Rusiyaya gətirilməsi qadağan edilib.
Lent.az-ın “İntferfaks”-a istinadən məlumatına görə, ölkəyə Moldovadan alma, armud, heyva, ərik, albalı, şaftalı, gavalı və göyəmin idxalı yasaqlanıb. Bundan başqa sərnişinlərə də əl yükü vasitəsi ilə bu ölkədən gətirilən meyvə Rusiyaya buraxılmayacaq.
Bir müddət öncə daxili bazarı qorumaq məqsədi ilə Rusiyanın Moldovada istehsal olunan çaxır və kənd təsərrüfatı mallarına birtərəfli qaydada sanksiya tətbiq edəcəyi bildirilmişdi.
Bu sanksiya Moldovanın Avropa Birliyi ilə Assosiasiya Sazişini imzalaması ilə bağlıdır.