Rusiyada sərbəst toplaşmaq 5 il işlə yekunlaşa bilər

Rusiya duması mitinq keçirərkən qaydaları dəfələrlə pozanların cinayət məsuliyyətinə cəlb olunması haqda qanun layihəsini birinci oxunuşda qəbul edib.

Lent.az-ın “BBC”-yə istinadən məlumatına görə, cinayət və inzibati məcəllədə, o cümlədən “Polis haqda”, “Yığıncaq, mitinq, nümayiş, yürüş və piketlər haqqında” qanunlara dəyişiklər ediləcək.

Yeni qanuna əsasən, əgər mitinq keçirərkən, 180 gün ərzində iki dəfədən artıq qanun pozuntusu aşkarlanarsa, o halda 600 min rubldan bir milyonadək cərimə kəsiləcək.

Bundan başqa qanun pozucusu bir ildən 2 ilədək islah-əmək işinə , 5 ilədək məcburi əməyə cəlb edilə bilər, yaxud bu müddətə azadlıqdan məhrum edilə bilər.