Rusiyadakı uçan mədəndə 2 işçi həlak olub
Kemerovo vilayətində mədənin uçması nəticəsində iki şaxtaçı həlak olub. Lent.az-ın «RBK»-ya istinadən məlumatına görə, axtarış-xilasetmə işləri başa çatıb.
Bir müddət öncə mədəndən 58 işçidən 56-nın çıxarıldığı bildirilmişdi.
Mənbə qeyd edib ki, hadisə vilayətin Prokopsk şəhərindəki «Krasnoqor» mədənində baş verib.
***
21.48
Rusiyanın Kemerovo vilayətinin «Krasnoqor» daş- kömür mədənində uçqun olub.
Lent.az-ın «BBC»-yə istinadən məlumatına görə, hadisə nəticəsində 17 nəfər uçqun altında qalıb.
«İlkin məlumata əsasən, mədəndə 57 nəfər, uçqun zonasında isə 17 işçi olub» -deyə, Fövqəlada Hallar Nazirliyinin yerli bölməsi bildirib.
Olay yerinə xilasedicilər və yanğınsöndürənlər cəlb edilib.