Rusiya Ukraynadakı separatçıların seçkilərini tanımadı

“Moskvanın “Donetsk Xalq Respublikası” və “Luqansk Xalq Respublikası”nda keçirilən seçkilərin yekunları ilə bağlı mövqeyi Xarici İşlər Nazirliyinin bəyanatında “hörmət edirik” sözü ilə ifadə olunub. Bu, “tanıyırıq” demək deyil”. APA-nın Moskva müxbirinin verdiyi məlumata görə, bunu jurnalistlərə açıqlamasında Rusiya prezidentinin köməkçisi Yuri Uşakov deyib.

O bildirib ki, “hörmət etmək” və “tanımaq” sözləri arasında fərq var: “Bunlar fərqli sözlərdir. “Hörmət edirik” ifadəsi xüsusilə seçilib”.