Rusiyanın Müdafiə Nazirliyi ölkənin NATO-dakı təmsilçisi general –polkovnik Valeri Yevneviçi məsləhətləşmə üçün Moskvaya çağırıb.
Lent.az-ın “BBC”-yə istinadən məlumatına görə, müdafiə nazirinin müavini Anatoli Antonov deyib : “Vəziyyətin süni gərginləşdirilməsi siyasəti bizim seçimimiz deyil. Bundan başqa həmişəki kimi NATO ilə əməkdaşlığın davam etdirilməsinin mümkün saymırıq. Ona görə də NATO yanındakı təmsilçimiz general-polkovnik Valeri Yevneviçi məsləhətləşmə üçün Moskvaya çağırmışıq».
Antonov qeyd edib ki, NATO-nun Rusiya ilə əməkdaşlığı dayandırması qərarı bir neçə illik birgə fəaliyyətin nəticəsini heçə endirir.
Xatırladaq ki, aprelin 1-də NATO Rusiya ilə hərbi və mülkü əməkdaşlığı dayandırdığı haqda qərar qəbul edib.
Onu da qeyd edək ki, artıq bir dəfə, 2008-ci ilin avqust hadisəsindən, Gürcüstan ərazisinin işğalından sonra NATO Rusiya ilə əməkdaşlığı dayandırmışdı.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
