Rumıniyada yanan gecə klubunun sahiblərinə ömürlük cəza gözlənilir

Rumıniyada 30 nəfərin ölümü ilə nəticələnən yanğının baş verdiyi “Colectiv” gecə klubunun sahibləri ömürlük həbs cəzasına məhkum edilə bilərlər. Bu gün onların prokurorluqda dindirilməsi planlaşdırılıb. APA-nın “RİA Novosti”yə istinadən verdiyi xəbərə görə, bunu ölkənin baş prokuroru Tiberiu Nitsu bildirib.

Qeyd edək ki, oktyabrın 31-nə keçən gecə köhnə ayaqqabı zavodunun binasında yerləşən “Colectiv” gecə klubunda güclü yanğın baş verib. Yanğına səbəb konsert zamanı buraxılan fişənglər olub. Son məlumata görə, faciə nəticəsində 27 nəfər ölüb, 200-dək adam ciddi xəsarətlər alıb.