Rusiya prezidenti Vladimir Putin Azərbaycanın Rusiyadakı səfiri Polad Bülbüloğlunu "Şərəf" ordeni ilə təltif edib. APA-nın Moskva müxbirinin verdiyi məlumata görə, bu gün Kremlin Yekaterina zalında dövlət mükafatlarının təqdimetmə mərasimi keçirilib. Mərasimdə Vladimir Putin "Şərəf" ordenini səfir Polad Bülbüloğluna təqdim edib.
Səfir Polad Bülbüloğlu çıxışında Rusiya prezidentinə yüksək mükafata görə təşəkkürünü bildirib: "Sizin, Rusiya Federasiyasının prezidentinin əlindən "Şərəf" ordenini almağın yüksək şərəf olduğunu başa düşürəm. Mən sizə can sağlığı, böyük Rusiyanın xeyrinə fəaliyyətinizdə müvəffəqiyyətlər arzulayıram".
Rusiya prezidenti "Vətən qarşısında xidmətlərinə görə", "Hərbi xidmətə görə", "Şərəf" və "Dostluq" ordenlərini xalq təsərrüfatının müxtəlif sahələrinə və humanitar sahələrdə fərqlənən şəxslərə təqdim edib.
Vladimir Putin çıxışında dövlət mükafatı alanlara yaradıcı əməyinə, öz ölkələrinə sədaqətliliyinə və əldə etdikləri nəticələrə görə təşəkkürünü bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
