Paraqvayın paytaxtı Asunson şəhərində daşqınlar nəticəsində 50 min nəfər evakuasiya olunub.
APA-nın RİA Novosti agentliyinə istinadən verdiyi məlumata görə, ölkənin bir sıra ərazilərində fövqəladə vəziyyət tətbiq edilib.
Daşqınlara səbəb Paraqvay çayında suyun səviyyəsinin 7 metrədək artması olub. Xilasedici xidmətlər yaxın günlərdə suyun səviyyəsinin daha 50 santimetr artmasını istisna etmirlər.
Qeyd olunur ki, təbii fəlakət “El-Ninyo” iqlıim fenomeni ilə bağlıdır. El-Ninyo okean və atmosfer cərəyanlarının dövretmə sxemlərinə təsir göstərir. Bu isə öz növbəsində yer kürəsində havaya və iqlimə təsir edir, bəzi regionlarda quraqlıqlara, digərlərində isə güclü yağışlara səbəb olur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
