Obamanın Putinlə görüşü planlaşdırılmayıb

Yaxın günlərdə ABŞ və Rusiya prezidentlərinin görüşünün keçirilməsi planlaşdırılmasa da, onların ünsiyyəti istisna edilmir.

Lnt.az-ın “İTAR-TAAS”-a istinadən məlumatına görə, bunu ABŞ prezidentinin xarici siyasət üzrə köməkçisi Ben Rods telekonfransda deyib.

O, mətbuata prezident Barak Obamanın avropalı rəhbərlərlə görüşü haqda məlumat verib. B.Rods ABŞ prezidentinin Vladimir Putinlə görüşü haqda sualı belə cavablandırıb: “Biz rəsmi görüş gözləmirik. Ancaq Fransada liderlərin nahar zamanı ünsiyyət saxlaması mümkündür”.

Rods vurğulayıb ki, prezident seçkisindən sonra Ukraynada gərginliyin azalması üçün ABŞ uyğun şəraitin olduğunu görür. Prezidentin müşaviri Ukraynanın şərqində gərginliyin aradan qaldırılması məqsədi ilə Rusiyanı təsir etməyə çağırıb.