Türkiyə sultanı II Abdülhamidin oğullarından şahzadə Mehmet Abdülkadirin 89 yaşlı qızı Neslihan Abdülkadir Osmanoğlu vəfat edib. Lent.az-ın Doğan xəbər agentliyinə istinadən məlumatına görə, 11 gün Mərmərə Universiteti Pendik Təhsil və Araşdırma Xəstəxanasının reanimasiya bölməsində yatan N.Abdülkadir Osmanoğlu qan-damar xəstəliyindən və böyrək çatışmazlığı xəstəliyindən əziyyət çəkirmiş. Həkimlərin səyinə baxmayaraq sultanın 89 yaşlı nəvəsinin həyatını xilas etmək mümkün olmayıb.
Qeyd edək ki, N.Abdülkadir Osmanoğlu həyatda qalan 13 şahzadə qızından ən yaşlısı idi. Sabah o, Fatih məscidində cənazə namazı qılındıqdan sonra Karacaahmet qəbiristanlığında anası Fatma Meziyet xanımın yanında dəfn ediləcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
