Nepalda xilasedicilər 7,9 bal gücündə zəlzələdən 80 saat sonra uçmuş binanın dağıntıları altından bir kişini xilas edib. APA-nın “RİA Novosti”yə istinadən verdiyi xəbərə görə, bu barədə “Röyters” agentliyi məlumat yayıb.
Məlumata görə, xilasedicilər 28 yaşlı Rişi Kxanalı paytaxt Katmanduda uçmuş 7-mərtəbəli binanın dağıntıları altından çıxarıb. Zəlzələ baş verən an o binanın 2-ci mərtəbəsində olub. İlkin məlumata görə, uçmuş binanın dağıntıları altında qalmış Rişi Kxanalının ayağı sınıb.
Son məlumata görə, Nepalda aprelin 25-də baş vermiş güclü zəlzələ nəticəsində ölənlərin sayı 5000-ə, xəsarət alanların sayı isə 10000-ə çatıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
