NATO-nun baş katibi Anders Foq Rasmussen Rusiyanın Krımı anneksiyasını «soyuq savaşdan» sonra beynəlxalq təhlükəsizlik üçün «ən ciddi böhran» adlandırıb.
Lent.az-ın «BBC»-yə istinadən məlumatına görə, Vaşinqtondakı Cortaun Universitetində çıxışı zamanı baş katib Rusiyanı beynəlxalq hüququ pozmaqda günahlandırıb.
Rasmussen bildirib ki, NATO Ukraynanın ərazi bütövlüyü və suverenliyinin qorunması mövqeyindədir.
Mənbə xatırladıb ki, Alyans Polşada hərbi təlim keçirməyi planlaşdırır. Bu hərbi tədbirdə ABŞ, Baltikyanı dövlətlər və Ukraynanın da iştirak gözlənilir.