NATO: Rusiya təyyarəsi Türkiyənin hava məkanını pozub

NATO Türkiyə-Suriya sərhədində vurulan Rusiya təyyarəsinin Türkiyənin hava məkanını pozduğunu hesab edir. APA-nın “RİA Novosti”yə istinadən verdiyi xəbərə görə, NATO-nun baş katibi Yens Stoltenberq bəyan edib ki, Rusiya təyyarəsinin vurulması ilə bağlı NATO-dakı digər müttəfiqlərin məlumatı Türkiyənin məlumatı ilə üst-üstə düşür.

“Müttəfiqlərin təqdim etdiyi rəy Türkiyədən aldığımız məlumatla üst-üstə düşür”, deyə Yens Stoltenberq qeyd edib.

Qeyd edək ki, Türkiyənin xahişi ilə bu gün Brüsseldə NATO Şurasının səfirlərin səviyyəsində təcili toplantısı keçirilib.