NATO: «Ukrayna böhranının siyasi yolla həllinə Rusiya zərbə vurdu»

«Krımda keçirilən qanunsuz referendum Ukraynadakı böhranın siyasi yolla həllinin tənzimlənməsinə sarsıdıcı zərbə vurdu».

Lent.az-ın «unian.net»-ə istinadən məlumatına görə, NATO bu bəyanatını saytında yerləşdirib.

«Biz hesab edirik ki, martın 16-da Krım Muxtar Respublikasında keçirilən referendum qanunsuz olduğu dərəcədə qeyri- legitimidir. Referendum Ukraynanın Ana Yasası və beynəlxalq hüquq normalarını pozduğu üçün NATO, eləcə də müttəfiqlərimiz onun nəticələrini tanımır»-deyə, qurum bildirib.

NATO Rusiyanın vəziyyəti gərginləşdirməkdən çəkinməyə, o cümlədən hərbi vasitələrdən istifadəni dayandırmağa çağırıb.

Qurum bildirib ki, Ukraynanın suverenliyini və beynəlxalq səviyyədə sərhədlərin toxunulmazlığı əsasında ərazi bütövlüyün bütövlükdə dəstəkləyir.