Dünən Ağ evdə prezidentin “Azadlıq” medalının təltif olunma mərasimi keçirilib. Lent.az-ın məlumatına görə, medalları ABŞ prezidenti, administrasiyasının rəhbəri Barak Obama təqdim edib. ABŞ-ın yüksək mülki mükafatına aktrisa Meril Strip, bəstəkar - müğənni Stiv Vonder, çilili yazıçı İsabel Alende və başqaları layiq görülüb. B. Obamanın sözlərinə görə, mərasimdə iştirak edə bilməyən bəstəkar Stiven Sondxayma mükafat gələn il veriləcək.
Mükafatlandırılanlar arasında SSSR-nin sonuncu lideri Mixail Qarbaçovdan müsahibə almağı bacaran reportyor da var.
Tədbirə gəlincə, mərasimimdə Barak Obama aktrisa Meril Stripə sevgisini elan edib. Buna nə onun xanımı Mişel Obama, nə də Stripin əri, heykəltəraş Don Hammer mane ola bilib. Sevgi etirafını zalda olan hər kəs gülüşlə qarşılayıb.
Qeyd edək ki, bu il prezident mükafatı 19 nəfərə verilib. Onlar arasında tanınmış ictimai xadimlər, elm və mədəniyyət adamları, eləcə də idmançılar da var.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
