Almaniyanın kansleri Angela Merkel BMT Təhlükəsizlik Şurasında XXI əsrin reallıqlarına uyğun islahatlar aparmağa çağırıb. APA-nın “Gazeta.ru”ya istinadən verdiyi xəbərə görə, bu barədə Reuters məlumat yayıb.
“Problemlərin həlli üçün bizə yeni iş üsulları gərəkdir. Bu Təhlükəsizlik Şurasında islahatların aparılmasını labüd edir, dəyişikliklər dünyadakı real qüvvələri indikindən daha yaxşı əks etdirməlidir”, deyə Merkel qeyd edib.
Qeyd edək ki, hazırda BMT TŞ 15 üzvdən ibarətdir və onlardan yalnız beşi (Britaniya, Çin, Fransa, Rusiya və ABŞ) daimi üzvdür və veto hüququna malikdirlər. Qalan 10 ölkə isə BMT Baş Assambleyada ikiillik müddətə seçilir.
Merkel Şuranın strukturunun XXI əsrə uyğunlaşdırılması üçün birgə müdrik hərəkət etmək olduğunu qeyd edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
