Merkel 4-cü dəfə baş nazir olmaq istəyir

Almaniya kansleri Angela Merkel dördüncü müddətə seçilmək niyyətindədir.

APA-nın xəbərinə görə, Almaniyanın “Der Spiegel” qəzeti özəl mənbələrə istinadən yazıb ki, 61 yaşlı A. Merkel seçkilərdə iştirak etmək barədə qərarını 2016-cı ilin əvvəlində elan edəcək.

Almaniyalı siyasətçi gələcək seçki kampaniyasının strategiyasını Xristian-Demokrat İttifaqının Baş katibi Peter Tauber və partiyanın icraçı direktoru Klaus Şyulerlə görüşdə müzakirə edib.

Almaniyada növbəti seçkilər 2017-ci ildə keçiriləcək.