Mərakeşdə mühacirləri daşıyan qayıq batıb: azı 9 nəfər ölüb

Mərakeş sahillərində qeyri-qanuni mühacirlərlə dolu qayıq batıb.

APA-nın France-Presse agentliyinə istinadən verdiyi məlumata görə, nəticədə 3-ü uşaq olmaqla ən azı 9 nəfər ölüb, 21 nəfərin xilas olunduğu bildirilir.

Xilasedici əməliyyatda Mərakeş hərbi donanmasının gəmiləri və iki polis helikopteri iştirak edib. BMT-nin hesablamalarına görə, bu ilin əvvəlindən Aralıq dənizindən keçmək istəyən 3 400 afrikalı qeyri-qanuni mühacir həlak olub.