“Rusiya Ukraynanın ərazi bütövlüyünə ötən il Krım üzrə qəbul olunan qərarlar nəzərə alınmaq şərti ilə tərəfdar çıxış edir”.
APA-nın İTAR-TASS-a istinadən verdiyi xəbərə görə, bunu Rusiyanın baş naziri Dmitri Medvedev Rusiya-Sloveniya danışıqlarının yekununa dair keçirdiyi mətbuat konfransında deyib.
“Rusiya - Sloveniya danışıqları zamanı toxunulan ən mürəkkəb və ağrılı məsələ Ukraynadakı münaqişə olub. Miro Tserar Avropa İttifaqının mövqeyini açıqladı. Biz də məsələnin hərbi yolla deyil, sülh yolu ilə həll olunmasının tərəfdarıyıq. Bu münaqişə rəsmi hökumətlə cənub-şərqdəki hökumət arasında aparılacaq danışıqlar yolu ilə həll olunmalıdır”, - deyə D. Medvedev bildirib.
Rusiya baş nazirinin sözlərinə görə, danışıqlar zamanı həmçinin “İslam Dövləti” terror təşkilatı daxil olmaqla, radikal terror qruplaşmalarına qarşı mübarizə müzakirə olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
