Maşın dayanacağa çırpıldı: 1 ölü, 3 yaralı

Bu gün səhər saatlarında Rusiyanın Krasnodar şəhərində “Hyundai” markalı minik avtomobili avtobus dayanacağına çırpılıb. Lent.az-ın “İTAR-TASS”-a istinadən verdiyi xəbərə görə, qəza nəticəsində bir nəfər ölüb, üç nəfər isə yaralanıb.

İlkin ehtimala görə, qəzaya sürücü idarəetməni itirməsinin səbəb olduğu deyilir. Sürücü hadisəni törətdikdən sonra ərazini tərk edib.

Rusiya polisi hadisəni törətməkdə şübhəli bilinən sürücünün müəyyən edilməsi istiqamətində axtarışları davam etdirir.