Londonun mərkəzində sərt qənaət tədbirlərinə və hakim Mühafizəkar Partiyasının siyasətinə qarşı keçirilən etiraz aksiyası zamanı baş vermiş iğtişaşlar nəticəsində beş polis əməkdaşı xəsarət alıb. APA-nın “TASS”a istinadən verdiyi xəbərə görə, “Hakimiyyət xalqa” şüarı səsləndirən yüzlərlə etirazçı baş nazir Devid Kemeronun iqamətgahı qarşısında aksiya keçirib.
Məlumata görə, polislərə şüşə qabları və tüstü şaşkaları atan etirazçılardan beşi saxlanılıb. İğtişaşlar səbəbindən mərkəzi Uaytholl strit küçəsi bir neçə saatlıq bağlanılıb.
Qeyd edək ki, Böyük Britaniyanın baş naziri Devid Kemeronun rəhbəri olduğu Mühafizəkar Partiyası mayın 7-də keçirilmiş parlament seçkilərində qələbə qazanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
