Krımoğlu: “Krım tatarlarını işdən qovmağa başlayıblar”

Rusiya vətəndaşı olmaqdan imtina edən Krım Muxtar Respublikasındakı türklər (tatarlar) işdən çıxarılır.

Lent.az-ın “Unian.net”-ə istinadən məlumatına görə, bu haqda Ukraynanın “İctimai televiziya”sına müsahibəsində Ali Radanın deputatı Mustafa Krımoğlu (Cəmilev) bildirib.

“Krımda çox səfeh bir vəziyyət yaranıb. Addımbaşı sənədləri yoxlayırlar. Adamlar nə edəcəklərini bilmir. Rusiya pasportu almaq istəməyən Krım tatarları işdən çıxarılır. İşdə qalmaq üçün onlar Rusiya vətəndaşı olmağa məcbur edirlər.

Pasportdan imtina edənləri işdən qovurlar. Mülkiyyət məsələsi də həll olunmayıb”-deyə, deputat vurğulayıb.