Kürd silahlıları Suriyanın Kobani şəhərinin mərkəzini nəzarətə alıb. APA-nın “RİA Novosti”-yə istinadən verdiyi xəbərə görə, bu barədə Suriyanın “SANA” informasiya agentliyi məlumat yayıb.
“Kürd qüvvələri şəhərin mərkəzində hərbi əməliyyat keçirib, nəticədə 13 terrorçu öldürülüb, 6 bina azad olunub”, deyə “SANA”-nın internet səhifəsində bildirilir.
Agentliyin məlumatına görə, döyüşlər zamanı kürd silahlıları şəhərin mərkəzində silah-sursat anbarı ələ keçirib. Anbarda çoxlu sayda qumbaraatan, snayper tüfəngləri, iriçaplı pulemyotlar və patronlar olub.
Kürd silahlıları, ümumilikdə, ötən gün şəhərin müxtəlif hissələrində 30-dan çox İŞİD terrorçularını məhv edib. İŞİD qruplaşmasının çoxlu sayda silahlılarının cəmləşdiyi şəhərin cənub və cənub-şərq hissələrində vəziyyət gərgin olaraq qalmaqdadır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
