Kerri Lavrovla Ukraynada vəziyyətin gərginləşməsini müzakirə etdi

ABŞ-ın dövlət katibi Con Kerri və Rusiyanın xarici işlər naziri Sergey Lavrov arasında telefon danışığı olub.

APA-nın BBC-yə istinadən verdiyi xəbərə görə, söhbət zamanı Kerri Ukraynanın şərqində vəziyyətin gərginləşməsindən narahatlıq ifadə edib. Onun sözlərinə görə, hazırkı durum bir ay bundan əvvəl tərəflər arasında əldə olunan razılaşmanı şübhə altına alır.

Sergey Lavrov, öz növbəsində, tərəflərin atəşkəs barədə razılaşmaya əməl etmələrinin zəruriliyini, ağır silahların geri çəkilməsi və ATƏT-in xətti ilə monitorinqlərin keçirilməsinin vacibliyini vurğulayıb.