Kabildə terrorçu-kamikadze özünü partlatdı: 27 ölü

Kabildə polis akademiyası qarşısında törədilən partlayış nəticəsində ölənlərin sayı 27-yə çatıb.

APA-nın RİA Novosti agentliyinə istinadən verdiyi məlumata görə, bundan əvvəl 20 nəfərin öldüyü, 25 nəfərin yaralandığı bildirilirdi.

Partlayışı polis forması geyinmiş terrorçu-kamikadze törədib. Terror aktına görə məsuliyyəti “Taliban” hərəkatı öz üzərinə götürüb.

Qeyd edək ki, bundan əvvəl Əfqanıstan müdafiə nazirliyinin binası yaxınlığında minalanmış avtomobil partladılıb, 15 nəfər ölüb, 200-dək insan yaralanıb. Terror aktına görə məsuliyyəti “Taliban” hərəkatı öz üzərinə götürüb