İsraildə İslam ziyarətgahlarını partlatmağı planlaşdıran ABŞ vətəndaşı həbs olunub
10 dekabr 2014 00:24 (UTC +04:00)

İsraildə İslam ziyarətgahlarını partlatmağı planlaşdıran ABŞ vətəndaşı həbs olunub

İsraildə müsəlmanların müqəddəs ziyarətgahlarında terror aktları hazırlamaqda şübhəli bilinən ABŞ vətəndaşı həbs olunub. APA-nın “RİA Novosti”-yə istinadən verdiyi xəbərə görə, bu barədə məlumatı İsrailin Ədliyyə Nazirliyi yayıb.

 

Məlumatda qeyd olunur ki, müvafiq ittiham ötən gün İsraildə vaxtı ötmüş viza ilə qalan 30 yaşlı Texas sakini Adam Liviksə irəli sürülüb.    

 

Nazirliyin məlumatında qeyd olunub ki, Adam Liviks İsrail ordusunun əsgəri olan otaq qonşusundan silah və 1,4 kq partlayıcı maddə əldə etməyə çalışıb.   

 

Polis Adam Liviksi Netaniya şəhərində saxlanılarkən  qaçmağa çalışıb. Belə ki, o,  qəfil 7-ci mərtəbədə yerləşən mənzilin pəncərəsindən aşağı mərtəbədəki mənzilin eyvanına tullanaraq qaçmağa cəhd edib, lakin polis tərəfindən saxlanılıb.

 

Adam Liviksiyə qarşı qanunsuz silah dövriyyəsində iştirak, polis əməkdaşlarına müqavimət və miqrasiya qanunvericiliyinin pozulması kimi ittihamlar irəli sürülüb.      

# 78
avatar

Oxşar yazılar