Avqustun 26-na keçən gecə İsrail aviasiyası Qəzza zolağında yerləşən ən hündür binalardan birini dağıdıb
Lent.az-ın APA-ya istinadən verdiyi xəbərə görə, binada onlarla mənzil, ticarət və ofis sahələri olub.
Məlumata görə, zərbələr nəticəsində ölən yoxdur – İsrail tərəfi hücumdan əvvəl sakinləri binaya zərbələrin endiriləcəyi barədə xəbərdar edib. Əhali arasında “İtaliya mərkəzi” adlandırılan bu 15 mərtəbəli bina Qəzza şəhərinin şimal-qərbində yerləşir. Yerli mətbuat hava hücumu nəticəsində azı 20 nəfərin yaralandığını qeyd edir.
Qeyd edək ki, ötən həftə İsrail ordusu Qəzzada 12 mərtəbəli yaşayış binasını, Rəfahda isə 7 mərtəbəli ticarət mərkəzini bombardman edib. İsrail tərəfi hər iki obyektin silahlılar tərəfindən istifadə edildiyini iddia edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
