İŞİD-in İraqda 19 nəfəri edam etməsi ilə bağlı xəbər yayılıb. Lent.az-ın xəbərinə görə, iraqlı hüquq müdafiəçisi Murtəza Musa “Anadolu” agentliyinə açıqlamasında, İŞİD tərəfindən bir ay əvvəl girov götürülmüş əslən türkman olan, keçmiş millət vəkili İman Məhəmməd Yunus əs-Salmanın edam edildiyini bildirib.
Hüquq müdafiəçisi terrorçuların millət vəkilinin meyitini ailəsinə təhvil verməkdən imtina etdiyini qeyd edib: “Çox güman əs-Salmanın meyiti Təlafardakı Allu Anter quyusuna atılıb”.
Kürdüstan Demokrat Partiyasının (KDP) Mosul şöbəsinin sədri Səid Memo Mosul yaxınlığındakı Əl-Beac bölgəsində İŞİD-in bir ay əvvəl səbəb göstərmədən 15 nəfəri edam etdiyini söyləyib.
Səlahəddin vilayətindəki tayfaların rəhbəri Xamis əl-Cəbbarə Əl-İlm qəsəbəsində İŞİD terrorçularının 3 nəfəri edam etdiyini açıqlayıb.