İrəvanın mərkəzində elektrik enerjisi tariflərinin artırılmasına qarşı keçirilən etiraz aksiyası davam edir.
APA-nın Ermənistan mətbuatına istinadən verdiyi məlumata görə, etirazçılar hökumətin “Ermənistan Elektrik Şəbəkələri” şirkətində yoxlama keçirilməsinə dair qərarını gecikmiş hesab ediblər.
“Biz qərarın ləğvini tələb edirik. Qoy hökumət yaxşı düşünsün –tariflərinin artırılmasına dair qərar ləğv olunmayanadək biz buranı tərk etməyəcəyik”, deyə Baqramyan prospektində keçirilən aksiyanın fəalları bildirib.
Etirazçılar, həmçinin, iyunun 23-də nümayişi zorla dağıdan mülki geyimli polis əməkdaşlarının məsuliyyətə cəlb edilməsini tələb edirlər.
Xatırladaq ki, İrəvanda iyunun 19-dan başlayan etirazlar davam etməkdədir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
