İraqda İŞİD-in nəzarətindəki 10 kənd azad edildi

İraq ordusu İŞİD terror təşkilatının nəzarətindəki 10 kəndi işğaldan azad edib. Lent.az-ın “Anadolu” agentliyinə istinadən verdiyi xəbərə görə, ordu və peşmərgənin Səlahəddin vilayətinin Tuzhurmatu bölgəsində keçirdiyi əməliyyatlar nəticəsində 10 kənd işğaldan azad olunub, 43 İŞİD döyüşçüsü öldürülüb.

İŞİD terror təşkilatı İraqın Mosul və Tikrit şəhərlərinə nəzarət edir. Regionda İŞİD təhlükəsinə görə təxminən 1 milyon insan yaşadıqları əraziləri tərk etmək məcburiyyətində qalıb.