İranın Tehranda yerləşən məşhur “Evin” həbsxanasının rəisi Qulamhüseyn İsmaili tutduğu vəzifədən azad edilib. Lent.az-ın “BBC”-yə istinadən məlumatına görə, buna səbəb kimi son zaman məhbusların həbsxana nəzarətçiləri tərəfindən döyülməsi və işgəncəyə məruz qalması göstərilib.
Məlumata əsasən, Qulamhüseyn İsmaili Tehranın həbsxana rəisliyindən çıxarılsa da, o, Tehranın prokuroru və Apellyasiya məhkəməsinin başçısı vəzifəsinə təyin olunub.
Bəzi təhlilçilər onun bu vəzifədən təqaüdə göndəriləcəyini ehtimal edir.
Xatırladaq ki, aprelin 17-də Tehranın Evin zindanının 350-ci korpusunda saxlanan siyasi məhbuslar qəfil hücuma məruz qalıb. Hücum siyasi məhbusların zindan məmurlarının kobud və təhqiramiz şəkildə yoxlama aparmasına etirazından, birgə inqilabçı himn və mahnılar oxumasından sonra baş verib.
Aprelin 23-də isə məhbusların qohumları İran prezidentinin binası qarşısında həbsxanada baş verən zorakılığa qarşı etiraz aksiyası keçirmişdi.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
