ABŞ-ın Maliyyə Nazirliyi sanksiyalara məhəl qoymayaraq, İran və Sudana təyyarələrin ehtiyat hissələrini satdığı üçün Hollandiyanın “Fokker-Services” şirkətini cərimələyib.
Lent.az-ın “nyusru”-ya istinadən məlumatına görə, əldə edilmiş razılıq çərçivəsində şirkət 21 milyon dollar cərimə ödəyəcək.
Şirkət sanksiya rejimini pozduğunu etiraf edib. Əks halda o, 51 milyon dollar cərimə ödəməyəcəkmiş.
ABŞ hakimiyyətinin məlumatına əsasən, 2005 – 2010-cu illər ərzində “Fokker” İran və Sudana təyyarələrin ehtiyat hissələrin ixrac edib.
Bundan başqa Hollandiya şirkətinin ABŞ-dan aldığı ehtiyat hissələrini İran və Sudana satmaq üçün uyğun icazəsi olmayıb.
Bu yaxınlarda “Boeing” və “General Elecric” şirkətləri İrana ehtiyat hissələri ixrac etmək üçün ABŞ-dan lisenziya alıb.
Xatırladaq ki, Vaşinqton hər iki dövlətin mülki aviasiyasına ehtiyat hissələri və təyyarələrin satılmasını yasaqlayan sanksiya tətbiq edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
