İstanbul Atatürk Hava Limanında İranın “Qeshm Air” aviaşirkətinə məxsus “Airbus-300B4” tipli sərnişin təyyarəsi uçuşa hazırlaşarkən qəzaya uğrayıb. APA-nın “Doğan” xəbər agentliyinə istinadən verdiyi xəbərə görə, təyyarə zolaqda hərəkətdə olarkən sağ mühərrikində yanğın baş verib. Məlumata görə nasazlıq səbəbindən dağılan mühərrikin hissələri təyyarənin təkərlərini də sıradan çıxarıb.
Xoşbəxtlikdən pilot təyyarəni saxlamağa müvəffəq olub. Terminala yerləşdirilən sərnişinlər bir müddət sonra başqa təyyarə ilə Tehrana yola düşüb.
Təyyarə təmirə göndərilib, insidentin səbəbləri araşdırılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
