Beynəlxalq polis təşkilatı olan İnterpol Misir məhkəməsinin həbsinə qərar verdiyi Dünya Müsəlman Alimlər Birliyinin rəhbəri Yusif Əl Karadavinin axtarışına başlayıb. Lent.az-ın Anadolu agentliyinə istinadən verdiyi məlumata görə, İntrepol Karadavi haqqında qırmızı büllüten açıb və üzv ölkələrə yayıb. 88 yaşlı alim haqqında anket məlumatlar və fotoşəkillər təşkilatın saytında da yerləşdirilib.
Qeyd edək ki, Misir və Qatar vətəndaşı olan Yusif Əl Karadavi cinayətə təhrik və yardım, məhbusların qaçmasına yardım, vandalizm və soyğun kimi əməllərdə təqsirləndirilir.
O, Misirin sabiq prezidenti Məhəmməd Mursini dəstəkləyən tanınmışlardan olub. Karadavi ilə yanaşı Müsəlman Qardaşları (İhvan) təşkilatının bir sıra liderləri də beynəlxalq axtarışa verilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
