Əfqanıstan xüsusi xidmət orqanları Hindistanın Cəlalabaddakı konsulluğuna hücumun qarşısı alıblar. APA-nın “RİA Novosti”yə istinadən verdiyi xəbərə görə, terrorçular hücumu Hindistanın baş naziri Narenda Modinin Kabilə səfəri zamanı törətməyi planlaşdırıblar.
“Indian Express” nəşrinin məlumatına görə, terrorçu-kamikadze terror aktını dekabrın 25-də törətməyi planlaşdırıb. Həmin gün Hindistanın baş nazirinin Əfqanıstanın paytaxtına səfəri nəzərdə tutulub.
Məlumata görə, terrorçu Pakistanla həmsərhəd rayonda yerləşən təlim düşərgəsində hazırlıq keçib və “Taliban” hərəkatının Peşəvərdəki məntəqəsində təlimatlandırılıb. Terror hücumunu “Taliban”ın lideri Axtar Məhəmməd Mənsur ilə əlaqəli şəbəkə həyata keçirməyi planlaşdırıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
